The Scope

Neyðin kennir naktri konu ... að markaðssetja sig á netinu

Í kjölfar efnahagshrunsins hafa mörg fyrirtæki og markaðsdeildir þurft að hugsa alla markaðssetningu upp á nýtt. Skyndilega er ekkert fjármagn í flottar sjónvarpsauglýsingar, áberandi heilsíður og opnur, eða stórar herferðir. Í staðinn þarf að beita öðrum aðferðum sem krefjast lítils fjármagns, en oft meiri þekkingar og kænsku. Þá er markaðssetning á netinu það sem verður ofan á.

Hægt er að ná gríðarlegum árangri fyrir lítið sem ekkert fé, ef fólk kann réttu aðferðirnar. Sjálfur hef ég fengist við markaðssetningu af þessu tagi síðan 1997 og hef haft unun af því að geta fyrir lítið sem ekkert fé skákað stórum fyrirtækjum með milljónabudget. IfTheWorldCouldVote.com er eitt dæmi um slíkt þar sem okkur tókst að fá yfir 800.000 manns frá 213 löndum til að kjósa, án þess að eyða krónu í auglýsingar á meðan The Economist náði aðeins broti af þeim fjölda í sína könnun.

Undanfarin ár hef ég haldið fjöldann allan af fyrirlestrum og námskeiðum um markaðssetningu á Internetinu og nú eftir áramót hefur orðið mikil aukning í aðsókn á námskeiðin. Það er mjög ánægjulegt að sjá fólk og fyrirtæki uppgötva máttinn sem þessi miðill hefur og hvað hægt er að gera. Á námskeiðinu kenni ég þátttakendum að nýta Facebook, Twitter, blog, orðrómsmarkaðssetningu, leitarvélar og fleira auk hefðbundinnar markaðssetningar á netinu. Næsta námskeið verður haldið næstkomandi fimmtudag og föstudag kl. 9-16.

Hér eru nánari upplýsingar um dagskrá, verð og skráningu á námskeiðið Náðu árangri á netinu.

Hjörtur

Aukanámskeið mánudag og þriðjudag

Ég vil minna á aukanámskeiðið í markaðssetningu á Internetinu sem ég setti inn mánudag og þriðjudag í næstu viku. Nánari upplýsingar um námskeiðið er að finna hér: Náðu árangri á netinu - námskeið í markaðssetningu á Internetinu Hafið samband fyrir upplýsingar um verð og skráningu. Hjörtur

Nýtt námskeið: Vertu ofan á í kreppunni

Það er mikilvægt að átta sig á því að í öllum breytingum felast tækifæri. Að sjálfsögðu eru margir sem ekki ná að bjarga sér þegar áfall líkt og það sem við höfum orðið fyrir dynur yfir þjóðina. Því er mikilvægt að búa sig vel undir það sem er framundan. Þeir sem munu komast af eru þeir sem aðlagast breyttum aðstæðum og tileinka sér nýjar áhrifaríkar aðferðir í sinni markaðssetningu.

Því hef ég sett upp nýtt námskeið - Vertu ofan á í kreppunni. Námskeiðið byggir að mestu á námskeiðinu "Náðu árangri á netinu" þar sem ég kenni helstu aðferðir við markaðssetningu á netinu í dag, en sérstök áhersla verður lögð á markaðssetningu á krepputímum.

Fáðu þekkinguna inn í hús
Dagana 3.-4. Nóvember næstkomandi mun ég standa fyrir tveggja daga námskeiði í markaðssetningu á krepputímum með megin áherslu á internetið, en Internetið er eini miðillinn þar sem útlit er fyrir áframhaldandi vöxt á næstu mánuðum.

Markmiðið með námskeiðinu er að þátttakendur öðlist skilning á helstu þáttum markaðssetningar á netinu, áherslubreytingar á krepputímum og læri aðferðir sem nýtast strax til aukins árangurs. Meðal þess sem farið er eru markaðsaðgerðir sem virka á krepputímum, söluhvatar á vefsíðum, leitarvélabestun, Google AdWords, blogg markaðssetning, “viral markeitng”, “social media marketing” og margt fleira.

Nú er mikilvægt að tryggja að góð þekking og skilningur á helstu þáttum markaðssetningar á Internetinu sé til staðar inn í fyrirtækinu.

Nánari upplýsingar um "Vertu ofan á í kreppunni"

Hjörtur

Web 2.0 expo í Berlín

Dagana 21.-23. október verður haldin ráðstefna í Berlín um web 2.0 og bloggheima. Þar munu koma saman öll helstu nöfnin í web 2.0 heimum í Evrópu, eins og James Governor frá Redmonk, Jeff Bates frá SourgeForce, Stowe Boyd frá The Messengers og fleirum. Sjálfur er ég einna spenntastur fyrir fyrirlestri James Governor um Electricity 2.0, hvernig rafmagnsframleiðsla framtíðarinnar verður ekki miðstýrð heldur í höndum fólksins.

Dagskráin er einkar áhugaverð um leið og ráðstefnan er frábært tækifæri til þess að hitta og tengjast web 2.0 fólki frá allri Evrópu.

Þar sem ég er þátttakandi í Web 2.0 Expo Europe Blogging Program, þá get ég boðið lesendum mínum 35% afslátt af passanum á ráðstefnuna. Ef þú vilt nýta þér það, notaðu þá þennan kóða: webeu08gr54 þegar þú skráir þig.

Hjörtur

Næsta námskeið í markaðssetningu á Internetinu

Þá er komið að næsta námskeiði í markaðssetningu á Internetinu. Fimmtudag og föstudag í þessari viku verð ég með tveggja daga námskeið í markaðssetningu á Internetinu á Grand Hotel Reykjavik.

Síðast var uppselt, þannig að tryggðu þér sæti í tíma!

Markmiðið með námskeiðinu er að þátttakendur öðlist skilning á öllum helstu þáttum markaðssetningar á netinu og læri aðferðir sem nýtast til árangurs. Vægi Internetsins í markaðssetningu eykst til muna í samdrætti og því mikilvægt fyrir fyrirtæki að tryggja að góð þekking og skilningur á efninu sé fyrir hendi innanhúss.

Námskeiðið hefst klukkan 9.00 báða dagana og stendur til klukkan 16.00 Boðið er upp á kaffiveitingar í hléum en hádegismatur er ekki innifalinn.

Nánari upplýsingar um námskeiðið

Skráðu þig hér!

Hjörtur

Viltu vinna miða á Vörumerkið ÉG?

Hefurðu þú áhuga á að vinna tvo miða á námskeiðið Vörumerkið ÉG sem haldið verður í salnum á miðvikudaginn kemur?

Nú er tækifærið.

Svona tekurðu þátt:
- Þú skrifar bloggpóst um það af hverju þig langar á námskeiðið Vörumerkið ÉG. Blogpósturinn má líka innihalda sögu um hvernig Google, spjallvefur, blogg eða Facebook hefur komið þér í vanda vegna þess sem hefur verið sett þar inn, hvort sem þú eða einhver annar gerði það.
- Þú setur inn tengil yfir á síðu námskeiðsins:
http://blog.scope.is/namskeid_og_fyrirlestrar/vorumerkid-eg.html
- Þú lætur mig vita með því að senda mér tölvupóst á hjortur (hjá) scope.is. Í tölvupóstinum þarf að koma fram hver þú ert og tengill yfir á bloggfærsluna.

Ég mun svo fara yfir bloggfærslurnar á miðvikudagsmorgun og velja sigurvegarann út frá því hvað mér finnst vera besta færslan. Sigurvegarinn fær síðan miða fyrir tvo á námskeiðið eins og fyrr sagði.

Þú getur lesið meira um námskeiðið á síðu námskeiðsins. Nú eða ef þú hefur ekki áhuga á að taka þátt í keppninni, á geturðu líka farið bara beint inn á salurinn.is og keypt miða þar.

Ef þú hefur einhverjar spurningar varðandi þetta, þá geturðu sent mér póst eða skrifað hana í kommentin hér fyrir neðan.

Hjörtur

Næsta námskeið

Ég minni á að næsta námskeið í markaðssetingu á Internetinu verður haldið dagana 17. og 18. apríl næstkomandi á Grand Hotel. Enn eru örfá sæti laus þannig að ef þú ert að spá, þá borgar sig að skrá sig fyrr en seinna.

Einnig verð ég með fyrirlestur um vefinn kennarinn.is sem er netsamfélag kennara í Kennaraháskólanum næstkomandi þriðjudag kl. 12 í stofu 205.

Hjörtur

Ný dagsetning á námskeiði

Námskeiðið sem vera átti dagana 6.-7. mars næstkomandi hefur verið flutt til 17.-18. apríl. Staðsetningin er sú sama, á Grand Hotel og dagskráin er að öðru leyti óbreytt.

Nánari upplýsingar um námskeiðið "Náðu árangri á netinu - námskeið í markaðssetningu á Internetinu".

Hjörtur

Næsta námskeið

Þar sem ekki komust allir sem vildu á námskeiðið sem ég var með í janúar í markaðssetningu á Internetinu, verður annað námskeið haldið næstkomandi fimmtudag og föstudag, 6.-7. mars.

Á námskeiðinu er farið yfir alla helstu þætti markaðssetningar á Internetinu og er markmiðið að þátttakendur læri aðferðir og ráð sem þeir geti strax nýtt til að bæta árangur sinn á netinu.

Nánari upplýsingar um "Náðu árangri á netinu - námskeið í markaðssetningu á Internetinu".

Hjörtur

Námskeið í markaðssetningu á Internetinu í næstu viku

Tíminn flýgur og það styttist óðum í námskeiðið 24. jan. Það er stundum erfitt að réttlæta kostnaðinn eða að sannfæra yfirmanninn um að það sé þess virði að senda þig á námskeiðið. Og stundum er það mjög auðvelt. Það er alltaf gaman að heyra í fólki sem er ánægt með fyrirlestur eða námskeið af því að það opnaði augu viðkomandi fyrir einhverju atriði sem hefur þegar skilað sér í tvöföldun á bókunum eða heimsóknum á síðuna. En fyrir utan að læra hagnýtar aðferðir sem skila sér beint í betri árangri af markaðsetningu þinni á netinu, eru nokkrar góðar ástæður til viðbótar til þess að sækja námskeiðið.

1. Finndu samstarfsaðila
Á námskeiðinu verður fullt af fólki sem er í svipuðum sporum og þú. Fólk sem vill bæta árangur sinn á netinu. Þið getið skiptst á reynslusögum og leitað ráða. Þú finnur jafnvel samstarfsaðila að einhverju sameiginlegu átaki í markaðssetningu sem gagnast báðum aðilum, fyrirtæki sem þú hefur áhuga á að skipta eða starfsmann sem þú gætir hugsað þér að ráða. Nú eða bara skemmtilegt fólk til að spjalla við.

2. Skoðaðu samkeppnisaðilann
Á námskeiðinu gæti verið einhver frá samkeppnisaðilanum og oftar en ekki þá segir fólk frá ýmsu sem það er að gera, árangri sem það er að ná, tölulegum upplýsingum um vefinn sinn, helstu uppsprettur af umferð o.s.frv. Þar fyrir utan, gæti samkeppnisaðilinn lært eitthvað sem þú veist ekki ef þú mætir ekki á námskeiðið og þannig náð forskoti.

3. Farðu á flug
Ég veit að fyrir mig að þá finnst mér ég alltaf fá mikið út úr fyrirlestrum, jafnvel þó ég læri ekkert nýtt á þeim. Það er meira af því að það fær mig til að hugsa aftur um ákveðna hluti og ég fæ yfirleitt aldrei jafn mikið af góðum hugmyndum um markaðsaðgerðir eins og á fyrirlestrum, nema ef vera skyldi klassískum tónleikum. (úpps, ekki fara samt frekar á sinfó en á námskeiðið hjá mér :)

4. Lyftuprófið
Þú mátt alveg búast við því að fólk spyrji þig að því hvað sé sem þú gerir. Og þá geturðu æft þig í að útskýra hvað það er sem þú og fyrirtæki þitt eruð að fást við dags daglega á bara 20 sekúndum. Þeim mun oftar sem þú æfir það, þeim mun lengra kemstu þegar lyftutækifærin opnast.

5. Markmiðasetning og sjálfsrýni
Oft er nauðsynlegt að komast aðeins út úr umhverfinu og þeim vandamálum sem maður er á kafi í til að sjá aftur heildarmyndina. Þannig er miklu auðveldara að endurskoða markmiðið og rýna aðeins í sjálfan sig og það sem maður er að fást við. Er ég að gleyma einhverjum grundvallaratriðum í leit minni að fullkomnun?

6. Fjárfesting sem borgar sig
Oft þarf ekki nema einn lítinn punkt til þess að námskeiðið hafi borgað sig. Eitthvað smá sem þú getur breytt eða gert betur og verður til þess að síðan tekur stökk á leitarvélunum, að mun fleiri gestir verði að viðskiptavinum, að það sé skrifað um síðuna í bloggheimum. Eitthvað smá atriði sem þú gast kippt í liðinn.

Nú, og svo er frítt kaffi á könnunni :)

Við sjáumst á námskeiðinu 24. jan.

Með bestu kveðju
Hjörtur

Skráðu þig hér!