The Scope

Næstu námskeið

Þrjú námskeið í markaðssetningu á Internetinu, sem ég kalla "Náðu árangri á netinu" verða haldin núna í haust. Þau verða á eftirfarandi dagsetningum: 24.-25. september 22.-23. október 26.-27. nóvember Nánari upplýsingar um námskeiðin er að finna á "Náðu árangri á netinu". Hjörtur

Neyðin kennir naktri konu ... að markaðssetja sig á netinu

Í kjölfar efnahagshrunsins hafa mörg fyrirtæki og markaðsdeildir þurft að hugsa alla markaðssetningu upp á nýtt. Skyndilega er ekkert fjármagn í flottar sjónvarpsauglýsingar, áberandi heilsíður og opnur, eða stórar herferðir. Í staðinn þarf að beita öðrum aðferðum sem krefjast lítils fjármagns, en oft meiri þekkingar og kænsku. Þá er markaðssetning á netinu það sem verður ofan á.

Hægt er að ná gríðarlegum árangri fyrir lítið sem ekkert fé, ef fólk kann réttu aðferðirnar. Sjálfur hef ég fengist við markaðssetningu af þessu tagi síðan 1997 og hef haft unun af því að geta fyrir lítið sem ekkert fé skákað stórum fyrirtækjum með milljónabudget. IfTheWorldCouldVote.com er eitt dæmi um slíkt þar sem okkur tókst að fá yfir 800.000 manns frá 213 löndum til að kjósa, án þess að eyða krónu í auglýsingar á meðan The Economist náði aðeins broti af þeim fjölda í sína könnun.

Undanfarin ár hef ég haldið fjöldann allan af fyrirlestrum og námskeiðum um markaðssetningu á Internetinu og nú eftir áramót hefur orðið mikil aukning í aðsókn á námskeiðin. Það er mjög ánægjulegt að sjá fólk og fyrirtæki uppgötva máttinn sem þessi miðill hefur og hvað hægt er að gera. Á námskeiðinu kenni ég þátttakendum að nýta Facebook, Twitter, blog, orðrómsmarkaðssetningu, leitarvélar og fleira auk hefðbundinnar markaðssetningar á netinu. Næsta námskeið verður haldið næstkomandi fimmtudag og föstudag kl. 9-16.

Hér eru nánari upplýsingar um dagskrá, verð og skráningu á námskeiðið Náðu árangri á netinu.

Hjörtur

Aukanámskeið mánudag og þriðjudag

Ég vil minna á aukanámskeiðið í markaðssetningu á Internetinu sem ég setti inn mánudag og þriðjudag í næstu viku. Nánari upplýsingar um námskeiðið er að finna hér: Náðu árangri á netinu - námskeið í markaðssetningu á Internetinu Hafið samband fyrir upplýsingar um verð og skráningu. Hjörtur

Lúðurinn 2008 - Vinningshafarnir

Hér koma niðurstöðurnar af Lúðrinum, íslensku auglýsingaverðlaununum sem haldin voru í kvöld.

Dagblaðaauglýsingar: Landsbankinn - Sjómannadagurinn - Gott fólk

Tímaritaauglýsingar: Heitar pizzur - Dominos Pizza - Ó

Sjónvarpsauglýsingar: Skítt með kerfið - Vodafone - Fíton

Útvarpsauglýsingar: Vodafone - Gull - Fíton

Veggspjöld: 17. júní - Landsbankinn - Gott fólk

Umhverfisgrafík: Lík í Strætó - Eymundsson - Jónsson & Lemacks

Vöru- og firmamerki: Borgarleikhúsið - Fíton

Markpóstur: Colourful Reykjavik - Iceland Express - Fíton

Almannaheillaauglýsingar - ljósvakamiðlar: Líttu aftur - Umferðarstofa - Hvíta húsið

Almannaheillaauglýsingar - aðrir miðlar: 916 látnir - Umferðarstofa - Hvíta húsið

Vefauglýsingar: Blýantur - Landsbankinn

Viðburðir: Jólakveðja Gagarín - Gagarín

Opinn flokkur: Ælupokar - Nova - Dagur og Steini

Auglýsingaherferðir: Glæpafaraldur - Eymundsson - Jónsson og Lemack

Val fólksins: Gull - Vodafone - Fíton

Ég óska vinningshöfunum til hamingju með Lúðurinn.
Hjörtur

Toyota rekur starfsmann vegna bloggfærslu

Morgunblaðið segir frá því í dag að starfsmaður hefi verið rekinn frá Toyota vegna bloggfærslu þar sem hann gagnrýnir bílafríðindi yfirmanns hjá fyrirtækinu.

Þetta vekur upp mjög þarfar spurningar um hvenær fyrirtæki sé í rétti til að reka starfsmenn vegna bloggskrifa og hvenær ekki. Nú er þetta þriðja málið á skömmum tíma þar sem bloggfærslur kosta fólk starfið (sem kemst í fjölmiðla) og því ljóst að hér er um vaxandi vandamál að ræða. Eru fyrirtæki að nota þetta sem afsökun til að segja upp starfsfólki? Á fólk ekki rétt á því að tjá sig? Á fólk að passa sig meira þegar það tjáir sig um vinnuveitanda sinn eða mál honum tengdum?

Hvað finnst þér?

Hjörtur

ps. Halldór, ef þú lest þetta, þá býð ég þér (og öðrum atvinnulausum) hérmeð á námskeið sem ég verð með á miðvikudaginn í næstu viku í Salnum í Kópavogi um hvernig maður passar upp á nafn sitt á netinu og byggir upp orðspor sitt. Námskeiðið er frítt fyrir atvinnulausa og er frá kl. 9-12.

Nýtt námskeið: Vertu ofan á í kreppunni

Það er mikilvægt að átta sig á því að í öllum breytingum felast tækifæri. Að sjálfsögðu eru margir sem ekki ná að bjarga sér þegar áfall líkt og það sem við höfum orðið fyrir dynur yfir þjóðina. Því er mikilvægt að búa sig vel undir það sem er framundan. Þeir sem munu komast af eru þeir sem aðlagast breyttum aðstæðum og tileinka sér nýjar áhrifaríkar aðferðir í sinni markaðssetningu.

Því hef ég sett upp nýtt námskeið - Vertu ofan á í kreppunni. Námskeiðið byggir að mestu á námskeiðinu "Náðu árangri á netinu" þar sem ég kenni helstu aðferðir við markaðssetningu á netinu í dag, en sérstök áhersla verður lögð á markaðssetningu á krepputímum.

Fáðu þekkinguna inn í hús
Dagana 3.-4. Nóvember næstkomandi mun ég standa fyrir tveggja daga námskeiði í markaðssetningu á krepputímum með megin áherslu á internetið, en Internetið er eini miðillinn þar sem útlit er fyrir áframhaldandi vöxt á næstu mánuðum.

Markmiðið með námskeiðinu er að þátttakendur öðlist skilning á helstu þáttum markaðssetningar á netinu, áherslubreytingar á krepputímum og læri aðferðir sem nýtast strax til aukins árangurs. Meðal þess sem farið er eru markaðsaðgerðir sem virka á krepputímum, söluhvatar á vefsíðum, leitarvélabestun, Google AdWords, blogg markaðssetning, “viral markeitng”, “social media marketing” og margt fleira.

Nú er mikilvægt að tryggja að góð þekking og skilningur á helstu þáttum markaðssetningar á Internetinu sé til staðar inn í fyrirtækinu.

Nánari upplýsingar um "Vertu ofan á í kreppunni"

Hjörtur

Web 2.0 expo í Berlín

Dagana 21.-23. október verður haldin ráðstefna í Berlín um web 2.0 og bloggheima. Þar munu koma saman öll helstu nöfnin í web 2.0 heimum í Evrópu, eins og James Governor frá Redmonk, Jeff Bates frá SourgeForce, Stowe Boyd frá The Messengers og fleirum. Sjálfur er ég einna spenntastur fyrir fyrirlestri James Governor um Electricity 2.0, hvernig rafmagnsframleiðsla framtíðarinnar verður ekki miðstýrð heldur í höndum fólksins.

Dagskráin er einkar áhugaverð um leið og ráðstefnan er frábært tækifæri til þess að hitta og tengjast web 2.0 fólki frá allri Evrópu.

Þar sem ég er þátttakandi í Web 2.0 Expo Europe Blogging Program, þá get ég boðið lesendum mínum 35% afslátt af passanum á ráðstefnuna. Ef þú vilt nýta þér það, notaðu þá þennan kóða: webeu08gr54 þegar þú skráir þig.

Hjörtur

Næsta námskeið í markaðssetningu á Internetinu

Þá er komið að næsta námskeiði í markaðssetningu á Internetinu. Fimmtudag og föstudag í þessari viku verð ég með tveggja daga námskeið í markaðssetningu á Internetinu á Grand Hotel Reykjavik.

Síðast var uppselt, þannig að tryggðu þér sæti í tíma!

Markmiðið með námskeiðinu er að þátttakendur öðlist skilning á öllum helstu þáttum markaðssetningar á netinu og læri aðferðir sem nýtast til árangurs. Vægi Internetsins í markaðssetningu eykst til muna í samdrætti og því mikilvægt fyrir fyrirtæki að tryggja að góð þekking og skilningur á efninu sé fyrir hendi innanhúss.

Námskeiðið hefst klukkan 9.00 báða dagana og stendur til klukkan 16.00 Boðið er upp á kaffiveitingar í hléum en hádegismatur er ekki innifalinn.

Nánari upplýsingar um námskeiðið

Skráðu þig hér!

Hjörtur

Viltu vinna miða á Vörumerkið ÉG?

Hefurðu þú áhuga á að vinna tvo miða á námskeiðið Vörumerkið ÉG sem haldið verður í salnum á miðvikudaginn kemur?

Nú er tækifærið.

Svona tekurðu þátt:
- Þú skrifar bloggpóst um það af hverju þig langar á námskeiðið Vörumerkið ÉG. Blogpósturinn má líka innihalda sögu um hvernig Google, spjallvefur, blogg eða Facebook hefur komið þér í vanda vegna þess sem hefur verið sett þar inn, hvort sem þú eða einhver annar gerði það.
- Þú setur inn tengil yfir á síðu námskeiðsins:
http://blog.scope.is/namskeid_og_fyrirlestrar/vorumerkid-eg.html
- Þú lætur mig vita með því að senda mér tölvupóst á hjortur (hjá) scope.is. Í tölvupóstinum þarf að koma fram hver þú ert og tengill yfir á bloggfærsluna.

Ég mun svo fara yfir bloggfærslurnar á miðvikudagsmorgun og velja sigurvegarann út frá því hvað mér finnst vera besta færslan. Sigurvegarinn fær síðan miða fyrir tvo á námskeiðið eins og fyrr sagði.

Þú getur lesið meira um námskeiðið á síðu námskeiðsins. Nú eða ef þú hefur ekki áhuga á að taka þátt í keppninni, á geturðu líka farið bara beint inn á salurinn.is og keypt miða þar.

Ef þú hefur einhverjar spurningar varðandi þetta, þá geturðu sent mér póst eða skrifað hana í kommentin hér fyrir neðan.

Hjörtur

Gates og Seinfeld - annar hluti

Nú er komin út hluti númer tvö af hinni óskiljanlegu auglýsingaseríu frá Microsoft með Bill Gates og Jerry Seinfeld. Tekst þeim að afhjúpa leyndarmálið um það sem er væntanlegt frá Microsoft í þessari fjögurra og hálfrar mínútu löngu auglýsingu? Þú verður bara að horfa á hana til að komast að því.

Ef þú átt enn eftir að horfa á fyrri auglýsinguna, þá finnurðu þá Bill & Jerry hér!

Hjörtur

ps. talandi um auglýsingar? Varstu búin að sjá um námskeiðið Vörumerkið ÉG?